ក្រុមអ្នកមានបុណ្យ FC Barcelona កំពុងលេងបានល្អមែនទែន ដោយឈរនៅកំពូលតារាង La Liga និងដាច់ពិន្ទុក្រុមលេខ២ Real Madrid រហូតដល់ទៅ៨ពិន្ទុទៅហើយ។
នៅយប់មិញ Barcelona បានយកឈ្នះលើក្រុម Sevilla ដល់ទៅ ៣-០ ឯណោះ។ ការបន្ដជ័យជម្នះជាប់ៗគ្នានេះបានធ្វើឱ្យក្រុមខ្លាំងមួយនេះ ឈរនៅកំពូលតារាងយ៉ាងសុវត្ថិភាពទៅហើយ ខណៈដែលក្រុម Real Madrid ដែលជាគូប្រជែងនោះលេងចាញ់ក្រុម Marlloca ក្នុងលទ្ធផល ១-០ ទៀត។ គម្លាតពិន្ទុរវាងក្រុមទាំងពីរនៅពេលនេះមានរហូតដល់៨ពិន្ទុទៅហើយ។
ជាមួយគម្លាតពិន្ទុឆ្ងាយពីគ្នានេះ អាចសបញ្ជាក់ឱ្យឃើញថានារដូវកាលនេះក្នុងក្របខណ្ឌ La Liga គឺទំនងជាបានទៅលើក្រុម FC Barcelona ទៅហើយ។ នាពេលនេះ ក្រុម Real Madrid ជាគូប្រជែងតែមួយគត់ ហើយទម្រង់លេងរបស់គេក៏មិនសូវបានល្អផងដែរ មិនដូចកាលពីដើមរដូវកាលនោះទេ៕