លោក Mikel Arteta បាននិយាយថាខ្លួនកាន់តែស្រលាញ់កីឡាករក្នុងក្រុមលើសដើម នៅពេលពួកគេទទួលរងការបរាជ័យក្រោមថ្វីជើង Everton ១-០ នៅយប់មិញនេះ។
Arsenal ជាក្រុមល្អ និងកម្របរាជ័យណាស់នៅរដូវកាលនេះ។ ជានៅយប់មិញ គ្រប់យ៉ាងបានប្រែក្រលាស់។ Everton ជាក្រុមមិនដែលឈ្នះសោះ និងស្ថិតនៅបាតតារាងថែមទៀត ប៉ុន្តែបែរជាអាចយកឈ្នះទៅលើក្រុមកំពូលតារាង Arsenal បានទៅវិញក្នុងលទ្ធផល ១-០។ ការទទួលបានជ័យជម្នះនេះ ពិតជាធ្វើឱ្យអ្នកគាំទ្រភ្ញាក់ផ្អើលខ្លាំងមែនទែន ព្រោះគ្មាននរណារំពឹងទុកឡើយថាក្រោមការដឹកនាំរបស់គ្រូបង្វឹកថ្មី ក្រុម Everton អាចធ្វើបានល្អបែបនេះ។
ងាកទៅខាងក្រុម Arsenal វិញ លោក Mikel Arteta ក៏មិនអន់ចិត្តឬបន្ទោសទៅលើកីឡាករដែរ។ លោកបានអះអាងថាក្រោយបរាជ័យនេះ លោកកាន់តែស្រលាញ់កីឡាករលើសដើម។ ក្រុម Arsenal ត្រូវតែរួមគ្នាបន្ដប្រឹងប្រែងហ្វឹកហាត់បន្ថែមទៀត ព្រោះការប្រកួតនៅមានច្រើននាពេលខាងមុខ។ ការឈរនៅកំពូលតារាងនាពេលនេះ មិនទាន់បានធានាពីការឈ្នះជើងឯកអ្វីនោះទេ៕