Pierre-Emerick Aubameyang ត្រូវបានគេថតរូបនៅ Milan កាលពីយប់ថ្ងៃសុក្រនៅពេល Chelsea ស្មើ ០-០ ជាមួយ Fulham។
ខ្សែប្រយុទ្ធសញ្ជាតិហ្គាបុងរូបនេះបានស៊ូទ្រាំនឹងរដូវកាលដំបូងដែលគួរឲ្យសង្វេគនៅកីឡដ្ឋាន Stamford Bridge។ បន្ទាប់ពីត្រូវបានចុះហត្ថលេខាក្រោម ការដឹកនាំរបស់លោក Thomas Tuchel សញ្ជាតិអាឡឺម៉ង់ដែលត្រូវបានក្លឹបបញ្ចប់តំណែងប៉ុន្មានថ្ងៃបន្ទាប់ពីកិច្ចព្រមព្រៀងនេះនិងជំនួសដោយ Graham Potter។
បន្ទាប់ពីការចាប់ផ្តើមដ៏ភ្លឺស្វាងជាមួយក្រុមតោខៀវ ទម្រង់លេងរបស់ Aubameyang បានធ្លាក់ចុះ ហើយវាត្រូវបានបញ្ជាក់កាលពីរសៀលថ្ងៃសុក្រថាគាត់ ត្រូវបានដកចេញពីក្រុមក្នុងក្នុងក្របខ័ណ្ឌ Champions League របស់ពួកគេសម្រាប់វគ្គបន្ត។
បន្ទាប់មក Aubameyang ត្រូវបានចាកចេញពីក្រុម Chelsea ក្នុងការប្រកួតទល់នឹងក្រុម Fulham នៅកីឡដ្ឋាន Stamford Bridge ហើយមិនយូរប៉ុន្មានមុន ពេលចាប់ផ្តើមការប្រកួត បងប្រុសរបស់ខ្សែប្រយុទ្ធរូបនេះបានបង្ហោះរូបភាពរបស់កីឡាករវ័យ ៣៣ឆ្នាំនៅទីក្រុង Milan ជាមួយក្រុមគ្រួសាររបស់គាត់។
Potter បានទទូចថាការសម្រេចចិត្តទម្លាក់ Aubameyang មិនមែនជារឿងផ្ទាល់ខ្លួនទេ ហើយថាខ្សែប្រយុទ្ធបានដោះស្រាយព័ត៌មានបានយ៉ាងល្អ។
លោក Potter បាននិយាយថា៖
“គាត់ជាកីឡាអាជីព ខ្ញុំយល់ថាគាត់នឹងខកចិត្ត។ Pierre គ្រាន់តែជួបរឿងមិនសូវល្អ ហើយគាត់នឹងតស៊ូដើម្បីកន្លែងរបស់គាត់សម្រាប់រដូវកាលដែលនៅសល់។ ការសម្រេចចិត្តណាមួយដែលយើងបានធ្វើនៅទីនោះ តែងតែមានការជជែកគ្នាជាមុន។ វាគឺជាការសម្រេចចិត្ត របស់ខ្ញុំ។ គាត់មិនបានធ្វើអ្វីខុសនោះទេ”៕