លោក Jurgen Klopp អ្នកចាត់ការក្រុម Liverpool បាននិយាយថាលោកមិនយល់ ហេតុអ្វីក្លឹបតោខៀវ Chelsea អាចចំណាយប្រាក់យ៉ាងច្រើនបែបនេះបាននោះទេ។
ក្រុមតោខៀវ Chelsea បានចំណាយប្រាក់រហូតដល់៣៥០លានផោនទៅហើយទៅលើការទិញដូរកីឡាករកន្លងទៅនេះ។ ដោយចំនួននេះ ពិតជាច្រើនខ្លាំងមែនទែនបើធៀបទៅនឹងការចំណាយរបស់ក្លឹបដទៃទៀត។ ខណៈដែលក្លឹបនេះទៀតសោតក៏មិនបានលក់ចេញកីឡាករបានច្រើននាក់ ឬប្រាក់ច្រើនអ្វីដែរ។ ការចំណាយទាំងអស់ គឹចេញពីប្រធានក្លឹបថ្មី Todd ។
ដោយសារតែចាយប្រាក់ហួសកម្រិតនេះហើយ ទើបបានជាមានមតិជាច្រើនចាប់ផ្ដើមរិះគន់និងចោទជាសំណួរទៅកាន់ Chelsea ហើយ។ ក្នុងនោះ លោក Klopp អ្នកចាត់ការក្រុម Liverpool បាននិយាយថា៖ “ខ្ញុំមិនយល់នៃការធ្វើជំនួញនេះទេ ប៉ុន្តែវាជាចំនួនច្រើនណាស់។ ពួកគេមានកីឡាករល្អៗទាំងអស់ ចូលរួមអបអរពួកគេ។ ខ្ញុំមិនយល់ ថាតើវាអាចទៅរួចដោយរបៀបណា ប៉ុន្តែវាមិនមែនជារឿងខ្ញុំត្រូវពន្យល់នោះទេ”៕