អ្នកចាត់ការក្រុម Liverpool លោក Jurgen Klopp បានសារភាពថាលោកមិនយល់ពីរបៀបដែល Chelsea គ្រប់គ្រងច្បាប់ហិរញ្ញវត្ថុ ដើម្បីចាប់ផ្តើមទិញ កីឡាករដ៏ធំបំផុតក្នុងប្រវត្តិសាស្រ្តទីផ្សារដោះដូរកីឡាករខែមករានោះទេ។
ក្រុមតោខៀវបានចំណាយប្រាក់ជិត ៣០០លានផោនលើកីឡាករ Enzo Fernandez , Mykhailo Mudryk, Noni Madueke, Benoit Badiashile, Andrey Santos, Malo Gusto, David Datro Fofana និងខ្ចីជើងរយៈពេល ៦ខែកីឡាករ Joao Felix ដោយបានចំណាយស្រដៀងគ្នាក្នុងរដូវក្តៅមុន។
គ្មានក្រុមណាមួយក្នុងប្រវត្តិសាស្ត្របានចំណាយច្រើនក្នុងរដូវកាលតែមួយជាង Chelsea ២០២២/២៣ ដែលការចំណាយត្រឺមខែមករាគឺច្រើនជាង La Liga, Bundesliga, Serie A និង Ligue 1 បូកបញ្ចូលគ្នាទៅទៀត ហើយ Klopp បានសារភាពថាគាត់មិនដឹងថាក្រុមតោខៀវគ្រប់គ្រងវាបានដោយ របៀបណានោះទេ។
លោក Klopp បាននិយាយលេងនៅពេលសួរអំពីការចំណាយរបស់ Chelsea ថា៖
“ខ្ញុំមិននិយាយអ្វីនោះទេ បើគ្មានមេធាវីរបស់ខ្ញុំ។ ខ្ញុំមិនយល់ពីផ្នែកនេះនៃអាជីវកម្មនោះទេ ប៉ុន្តែវាជាចំនួនដ៏ធំមួយ។ ពួកគេពិតជាកីឡាករដ៏ល្អ ដូច្នេះសូមអបអរសាទរ។ ខ្ញុំមិនយល់ពីរបៀបដែលវាអាចទៅរួចនោះទេ ប៉ុន្តែវាមិនមែនសម្រាប់ខ្ញុំដើម្បីពន្យល់ពីរបៀបដែលវាដំណើរការបែបនេះនោះទេ”៕
ប្រភព៖ FotMob