ខ្សែប្រយុទ្ធ Kylian Mbappe នឹងមិនបានលេងឱ្យក្រុម PSG ឡើយក្នុងការប្រកួតទល់ក្រុម Bayern Munich វគ្គ១៦ក្រុមចុងក្រោយជើងទី១ ពានរង្វាន់ UEFA Champions League។
កីឡាករបារាំងខាងលើបានរងរបួសអំឡុងពេលលេងទល់ក្រុម Montpellier ក្នុងលីគកំពូលបារាំងកាលពីយប់ម្សិលមិញនេះ។ របួសសាច់ដុំភ្លៅនេះដែរ ត្រូវបានពិនិត្យនិងត្រូវការពេលដល់ទៅ៣សប្ដាហ៍យ៉ាងតិចទើបអាចត្រលប់ចូលលេងវិញបាន។ ស្របពេលជំនួបសំខាន់ទល់ Bayern Munich នៅវគ្គ១៦ក្រុមវិញនោះ នឹងប៉ះគ្នានៅ២សប្ដាហ៍ទៀតនេះហើយ។ ដូច្នេះមានន័យថា Mbappe មិនអាចជាសះស្បើយទាន់ពេលវេលា ដើម្បីចូលលេងនោះទេ។
ក្រៅពីការប្រកួតទល់ Bayern ហើយ Mbappe ក៏នឹងមិនអាចលេងទល់ក្រុម Marseille នៅពាន French Cup នៅថ្ងៃទី៨ និងទល់ Monaco នៅលីគកំពូលបារាំងផងដែរ។ កីឡាករជម្រើសជាតិបារាំងរូបនេះ ជាតួអង្គសំខាន់ម្នាក់ក្នុងក្រុម ដោយរដូវកាលនេះ រូបគេរកបាន២៥គ្រាប់ ក្នុងការបង្ហាញខ្លួន២៦ប្រកួតមកនេះ៕