ខ្សែប្រយុទ្ធ Mason Greenwood ចាប់ផ្ដើមមានសេរីភាពវិញហើយ ក្រោយពីបទចោទប្រកាន់រំលោភសេពសន្ថវៈ និងការរំលោភបំពាននានា ត្រូវបានលើកលែងអស់ទៅហើយ។
កាលពីយប់មិញនេះ រាជអាជ្ញាបានសម្រេចទម្លាក់ចោលអស់ហើយចំពោះបទចោទប្រកាន់មកលើ Greenwood ។ ដោយនេះមានន័យថា គេអាចមានសេរីភាពឡើងវិញ មិនមានទោសអ្វីជាប់ខ្លួនទៀតនោះទេ។ ខណៈដែលការចូលលេងនៅក្លឹបបិសាចក្រហម Manchester United ឬយ៉ាងណានោះ នៅមិនទាន់ប្រាកដនៅឡើយទេ។ យុវជនឆ្នើមម្នាក់នេះ ធ្លាប់ជាកីឡាករដែលបានលេងទៀងទាត់មែនទែន ហើយក៏ត្រូវបានអ្នកគាំទ្រជឿជាក់ថាគេនឹងក្លាយជាខ្សែប្រយុទ្ធកំពូលម្នាក់ផងដែរ។
តែដោយសារមានបញ្ហារំលោភសេពសន្ថវៈ និងការរំលោភបំពាននានា បានធ្វើឱ្យកីឡាករអង់គ្លេសរូបនេះស្ទើរតែអស់អនាគត។ អ្នកគាំទ្រលែងគាំទ្រ ហើយខ្លួនត្រូវជាប់ទោសទៀតអស់ពេលជាច្រើនខែមកហើយ។ ទើបតែពេលនេះអាចមានសេរីភាពឡើងវិញ ប៉ុន្តែក៏ត្រូវរកវិធីដើម្បីទាក់ចិត្តអ្នកគាំទ្រឱ្យងាកមកគាំទ្រខ្លួនវិញផងដែរ៕