ខ្សែការពារ Raphael Varane បានប្រកាសចូលនិវត្តន៍ពីក្រុមជម្រើសជាតិបារាំងទៅហើយ ក្រោយចំណាយពេលជួយជាច្រើនឆ្នាំមកនេះ។
កីឡាករកំពុងប្រកបអាជីពនៅក្លឹប Manchester United ខាងលើនេះ បានជួយបារាំងឈ្នះពាន FIFA World Cup 2018 កន្លងទៅ ហើយនៅឆ្នាំ២០២២នេះ ក៏បានឡើងដល់វគ្គផ្ដាច់ព្រ័ត្រទៀត តែសោកស្ដាយបានត្រឹមជើងឯករង។ ដោយសារលេងឱ្យជម្រើសជាតិតាំងពីឆ្នាំ២០១៣មក ទើបពេលនេះ Varane សម្រេចចិត្តចូលនិវត្តន៏ទៅហើយ ដើម្បីទុកឱកាសឱ្យកីឡាករជំនាន់ក្រោយលេងវិញម្ដង។
កីឡាករវ័យ២៩ឆ្នាំដែលបង្ហាញខ្លួនឱ្យបារាំង៩៣ដងខាងលើ និយាយថា៖ “ការបានលេងឱ្យបារាំង១០ឆ្នាំមកនេះ គឺជាមោទកភាពបំផុតក្នុងឆាកជីវិត។ គ្រប់ពេលដែលខ្ញុំបានពាក់អាវជម្រើសជាតិ ខ្ញុំតែងតែរំភើបបំផុត។ មោទកភាពនេះ បានធ្វើឱ្យខ្ញុំផ្ដល់គ្រប់យ៉ាងឱ្យជម្រើសជាតិ ក្នុងការលេងដើម្បីឈ្នះការប្រកួត។ ខ្ញុំបានគិតជាច្រើនខែមកហើយចំពោះរឿងនេះ ហើយទីបំផុតខ្ញុំក៏សម្រេចចិត្តថាវាដល់ពេលហើយសម្រាប់ខ្ញុំក្នុងការចូលនិវត្តន៍”៕