ខ្សែប្រយុទ្ធ Karim Benzema និងខ្សែការពារ Eder Militao បានរងរបួសទៅហើយក្នុងការប្រកួតដែលក្រុម Real Madrid យកឈ្នះលើក្រុម Valencia បានក្នុងលទ្ធផល ២-០។
ជំនួប La Liga នៅយប់មិញនេះ ឃើញថាក្រុម Real Madrid ទទួលបាន៣ពិន្ទុបន្ថែមទៀតដែរ ក្រោយពីពួកគេបានយកឈ្នះលើក្រុម Valencia ក្នុងលទ្ធផល ២-០។ ដោយ២គ្រាប់នោះរកបានដោយខ្សែប្រយុទ្ធ Marco Asensio និង Vinicius Junior ម្នាក់មួយគ្រាប់។ ជ័យជម្នះនេះក៏បានជួយបន្ថយគម្លាតពិន្ទុរបស់ក្រុមអធិរាជស ជាមួយក្រុម Barcelona មកនៅត្រឹម៥ពិន្ទុវិញផងដែរ។
តែអ្វីដែលគួរឱ្យបារម្ភសម្រាប់អ្នកគាំទ្រ Real Madrid នោះ គឺខ្សែប្រយុទ្ធ Karim Benzema និងខ្សែការពារ Eder Militao បានរងរបួសទៅហើយ។ គេនៅមិនទាន់ដឹងទេថា របួសរបស់កីឡាករទាំងពីរធ្ងន់កម្រិតណា ខណៈដែលការប្រកួតសំខាន់ UEFA Champions League នឹងចូលមកដល់នៅ២សប្ដាហ៍ខាងមុខនេះទៀតទៅហើយ៕