ក្រុមអ្នកមានបុណ្យ FC Barcelona បានឈរកំពូលតារាង La Liga និងដាច់ពិន្ទុក្រុមលេខ២ Real Madrid រហូតដល់៨ពិន្ទុទៅហើយនៅយប់មិញនេះ។
ក្រុម Barcelona បន្ដជ័យជម្នះរបស់ខ្លួន លើក្រុម Real Betis ក្នុងលទ្ធផល ២-១។ ការបន្ថែម៣ពិន្ទុនេះទៀត បានធ្វើឱ្យក្រុមរបស់លោក Xavi ឈរកំពូលតារាងយ៉ាងមានសុវត្ថិភាព និងដាច់៨ពិន្ទុពីក្រុមលេខ២ Real Madrid ទៅហើយ តែក្រុមអធិរាជនៅសល់១ប្រកួតក្នុងដៃ។ ជាមួយការធ្វើបានល្អ និងបន្ដឈ្នះប្រកួតជាប់គ្នាបែបនេះ កំពុងធ្វើឱ្យក្រុម Barcelona មានកម្លាំងចិត្តខ្លាំងមែនទែនហើយ។
ក្រុមរបស់លោក Xavi កំពុងធ្វើបានល្អមែនទែន ក្រោយពីដើមរដូវកាលនេះពួកគេហាក់លេងមិនទាន់យល់ចិត្តគ្នា។ ធ្លាក់ចេញពី UEFA Champions League ទៅលេងនៅ Europa League មែន ប៉ុន្តែនៅ La Liga វិញ ក្រុមយក្សមួយនេះកំពុងឈរកំពូលតារាងយ៉ាងមានសុវត្ថិភាពទៅហើយ និងរំពឹងថាអាចគ្រងជើងឯកនារដូវកាលនេះបានថែមទៀត៕