ការសម្រេចដកឈ្មោះ កែវ រំចង់ ចេញពីជម្រើសជាតិកម្ពុជា ក្នុងការប្រកួតស៊ីហ្គេម២០២៣ខាងមុខនេះ ក៏ព្រោះតែវិញ្ញសាគីឡូធ្ងន់របស់គេត្រូវបានលុបចោលទៅហើយ។
កែវ រំចង់ បានបង្ហោះនៅលើបណ្ដាញសង្គមនាពេលកន្លងមកនេះ។ ដោយខ្លួនមិនអស់ចិត្ត ចំពោះការមិនមានឈ្មោះប្រកួតស៊ីហ្គេម ខណៈដែលកន្លងមកគេក៏បានធ្លាប់ឈ្នះមេដាយជាច្រើនគ្រឿងផងដែរ មិនសមណាការប្រកួតតំណាងជាតិបែរជាមិនមានឈ្មោះបែបនេះឡើយ។ ឆ្លើយតបជាមួយបញ្ហានេះ ខាងសហព័ន្ធប្រដាល់កម្ពុជាក៏បានចេញមុខមកឆ្លើយតបវិញផងដែរ។
លោក ហេង សុខឃន ប្រធានសហព័ន្ធឃីកបុកស៊ីង បានបកស្រាយថា ការដក កីឡាករ កែវ រំចង់ ពីបញ្ជីឈ្មោះជម្រើសជាតិវិញនេះ ដោយសារតែប្រភេទវិញ្ញាសាទម្ងន់ធ្ងន់ ត្រូវបានលុបចោល។ ប្រភេទវិញ្ញាសាទម្ងន់ធ្ងន់ចំនួនពីរគឺ ៨១ និង៧៥គីឡូ ត្រូវបានដកចេញ ព្រោះប្រទេសចូលរួមមិនមានកីឡាករ ប្រកួតលើប្រភេទទម្ងន់នេះ៕