ក្រុម Spurs បានចុះកុងត្រាយកខ្សែការពារស្លាប Pedro Porro ពីក្រុម Sporting Lisbon មកហើយក្នុងតម្លៃខ្លួន៤២លានផោន។
ក្រុមរបស់លោក Conte បានដាក់គោលដៅយក Pedro Porro តាំងពីដើមខែមករាឆ្នាំ២០២៣នេះម្ល៉េះ ប៉ុន្តែការចរចាត្រូវរង់ចាំដល់ថ្ងៃចុងក្រោយនៃការដោះដូរកីឡាករ ទើបអាចរកចំណុចរួមគ្នាបាន។ ដោយក្រុម Spurs យល់ព្រមចំណាយប្រាក់៤២លានផោនដើម្បីទិញយក Pedro ពីក្រុម Sporting មក។ រូបគេនឹងធ្វើដំណើរមកដល់អង់គ្លេស ហើយធ្វើតេស្ដសុខភាព និងត្រៀមបង្ហាញខ្លួនឆាប់ៗនេះផងដែរ។ លោក Conte រំពឹងថាកីឡាករថ្មីនេះ នឹងអាចជួយក្លឹបបានច្រើនឡើងវិញមិនខាន។
ក្រុម Spurs បច្ចុប្បន្ននៅឈរចំណាត់ថ្នាក់លេខ៥ក្នុងតារាង Premier League ដោយមាន៣៦ពិន្ទុ ឆ្លងកាត់២១ប្រកួត។ ក្រុមចំណាត់ថ្នាក់លេខ៤ Man Utd វិញ មាន៣៩ពិន្ទុ លេង២០ប្រកួត ខណៈលេខ៣ Newcastle United មាន៣៩ពិន្ទុដែរ។ ក្រុមលេខ២ Man City មាន៤៥ពិន្ទុ និងក្រុមកំពូលតារាង Arsenal មាន៥០ពិន្ទុ៕