ក្រុមកាំភ្លើងធំ Arsenal ទិញបានខ្សែបម្រើ Jorginho ពីក្រុមតោខៀវ Chelsea មកហើយ ក្នុងតម្លៃខ្លួន១២លានផោន ជាមួយកុងត្រា១៨ខែ។
ក្រុម Arsenal បានស្វែងរកខ្សែបម្រើមកច្រើននាក់ហើយ ដើម្បីមកបំពេញចន្លោះប្រហោងក្នុងក្លឹប។ ជាលទ្ធផលឃើញថាពួកគេសម្រេចបានហើយ បន្ទាប់ពីចរចាត្រូវគ្នាយកបាន Jorginho មករួមក្រុមក្នុងតម្លៃខ្លួនត្រឹម១២លានផោនប៉ុណ្ណោះ។ ស្របពេលកីឡាករអ៊ីតាលីនេះ ក៏មិនសូវបានលេងដែរឱ្យក្រុម Chelsea នាប៉ុន្មានប្រកួតចុងក្រោយមកនេះ។
ក្រោយពីសម្រេចការផ្ទេរហើយ កីឡាករដែលជួយអ៊ីតាលីឈ្នះពាន Euro 2020 បាននិយាយថា៖ “Arteta ជាបុគ្គលសំខាន់ដែលធ្វើឱ្យខ្ញុំសម្រេចមកទីនេះ។ ខ្ញុំស្គាល់គាត់ ហើយគាត់បានព្យាយាមជាច្រើនលើកមកហើយដើម្បីយកខ្ញុំ។ គាត់ពិតជាធ្វើឱ្យខ្ញុំសរសើរចំពោះអ្វីដែលគាត់ខិតខំកន្លងមកមែនទែន”៕