ក្រុមបិសាចក្រហម Manchester United បានសម្រេចការខ្ចីជើងកីឡាករ Marcel Sabitzer ពីក្រុម Bayern Munich ហើយ ដោយមានកុងត្រាដល់ដាច់រដូវកាលនេះ។
ការប្រញ៉ាប់រកកីឡាករមកចូលក្រុមនេះ បន្ទាប់ពីខ្សែបម្រើ Christian Eriksen បានរងរបួសនិងត្រូវសម្រាកដល់៣ខែឯណោះ។ ដូច្នេះហើយ ទើបលោក Erik ten Hag ត្រូវការអ្នកមកជំនួសវិញ ហើយក៏ស្វែងរកនិងទាក់ទងភ្លាមៗទៅកាន់ Sabitzer តែម្ដង។ ក្រោយពីការចរចាត្រូវគ្នាហើយ ទើប Man Utd ស្នើការខ្ចីជើងពាក់កណ្ដាលរដូវកាលតែម្ដង និងទទួលបានសម្រេចផងដែរ។ បច្ចុប្បន្នកីឡាករអូទ្រីសបានមកដល់អង់គ្លេស និងត្រៀមពិនិត្យសុខភាព។
Man Utd ធ្វើបានល្អដែរក្នុងការប្រកួតទាំងនៅលីគនិង Cup ។ តែមួយរយៈនេះ ពួកគេមានបញ្ហារបួសច្រើនជាក់ស្ដែងនៅតំបន់បម្រើ២នាក់អវត្ដមានរហូតដល់ចប់រដូវកាលនេះទៅហើយ។ Donny van der Beek របួសជង្គង់ត្រូវវះកាត់សម្រាកយូរខែ ស្របពេល Eriksen វិញ ក៏ដូចគ្នាត្រូវការពេលសម្រាកយ៉ាងតិច៣ខែឯណោះ៕