លោក Jurgen Klopp មិនបាននាំខ្សែប្រយុទ្ធ Xherdan Shaqiri ទៅលេងនៅទឹកដីស៊ែបជាមួយក្រុម Red Star Belgrade នៅយប់នេះឡើយ ព្រោះបារម្ភពីសុវត្ថិភាពរបស់កីឡាកររូបនេះ។
មូលហេតុដែលបង្កឱ្យមានរឿងខាងលើនេះឡើង គឺបណ្ដាលមកពីShaqiri មានដូនតាជាជនជាតិអាល់បានី ដែលជាសត្រូវអ្នកជិតខាងរបស់ស៊ែប ហើយកាលពី World Cup ខ្សែបម្រើរូបនេះបានស៊ុតចូលហើយអបអរធ្វើសញ្ញាសត្វឥន្ទ្រីយ៍ដែលជាសត្វលើទង់ជាតិអាល់បានីដាក់អ្នកគាំទ្រស៊ែប។ ដូច្នេះហើយ ច្បាស់ថាអ្នកគាំទ្រក្នុងប្រទេសស៊ែប ពិតជាខឹងនឹងកីឡាករខាងលើនេះខ្លាំងជាក់ជាមិនខាន។
លោក Klopp បាននិយាយដែរថា៖ “ខ្ញុំសម្រេចចិត្តដូច្នេះ ព្រោះខ្ញុំដឹកនាំក្រុមមកប្រកួតបាល់ទាត់។ បាល់ទាត់ មិនពាក់ព័ន្ធអ្វីឡើយចំពោះរឿងនយោបាយ។ ហើយសម្រាប់ខ្ញុំ ខ្ញុំគ្រាន់តែចង់មកលេងបាល់ទាត់ ក្នុងក្របខណ្ឌ Champions League ប៉ុណ្ណោះ”៕ប្រភព៖ dailymail