ក្រុមបិសាចក្រហម Manchester United បានឡើងជុំទី៥នៃពានរង្វាន់ FA Cup ហើយ ក្រោយពីយកឈ្នះលើក្រុម Reading ក្នុងលទ្ធផល ៣-១ នៃពានរង្វាន់ FA Cup នៅយប់មិញនេះ។
ក្នុងការប្រកួតនេះដែរ មិនខុសពីការប្រកួតមុនៗនោះទេ ក្រុម Man Utd តែងតែគ្រប់គ្រងនិងបង្កើតឱកាសច្រើនមែនទែន។ ជាក់ស្ដែងពួកគេរកបានដល់ទៅ៣គ្រាប់ក្នុងជំនួបទល់ក្រុម Reading នេះ ដោយ៣គ្រាប់នោះចេញពី Casemiro ២គ្រាប់ និង Fred ១គ្រាប់។ ស្របពេលក្រុមភ្ញៀវឯណោះវិញ ក៏មានកាតក្រហមកីឡាករម្នាក់ទៀត ទើបធ្វើឱ្យពួកគេមិនអាចមានអ្វីដើម្បីតវ៉ាជាមួយក្រុម Man Utd បាននោះទេ។
នេះជាការឡើងទៅជុំទី៥នៃក្រុមបិសាចក្រហមនេះហើយ ស្របពេលលោក Erik ten Hag តែងតែប្រើប្រាស់កីឡាករពេញសាច់ជានិច្ចក្នុងពានរង្វាន់ Cup នេះ បើទោះជា Carabao Cup ឬ FA Cup ក៏ដោយ។ វាសបញ្ជាក់ឱ្យឃើញថាអ្នកចាត់ការហុល្លង់មានបំណងយកពានមួយឱ្យបានក្នុងរដូវកាលដឹកនាំក្រុមដំបូងរបស់ខ្លួន៕