អ្នកប្រដាល់ល្បីឈ្មោះ Conor McGregor ត្រូវឡានបុក អំឡុងពេលគេជិះកង់ហាត់ប្រាណ ប៉ុន្តែមិនមានរបួសអ្វីធ្ងន់ធ្ងរនោះទេ។
ជើងខ្លាំងកម្រិតពិភពលោកជំនាញ MMA នេះ បានបង្ហោះនៅលើបណ្ដាញសង្គមកាលពីពេលថ្មីៗនេះ ចំពោះហេតុការណ៍ជិះកង់ហាត់ប្រាណ និងត្រូវឡានបុកនេះ។ អ្នកគាំទ្រជាច្រើន បានសួរនាំរូបគេ ព្រោះខ្លាចមានរបួសធ្ងន់ធ្ងរ ខណៈដែលគេក៏នឹងមានឈ្មោះប្រកួតនៅសង្វៀន UFC វិញ ឆាប់ៗនេះផងដែរ។ តែបើតាមការបញ្ជាក់របស់សាមីខ្លួន មិនបានត្រូវអ្វីធ្ងន់ធ្ងរឡើយ។
រំលឹកថា Conor McGregor បានរងរបួសបាក់ជើងកាលពីប៉ុន្មានឆ្នាំមុននេះ ទើបធ្វើឱ្យគេសម្រាកពីសង្វៀនដើម្បីព្យាបាល។ យ៉ាងណាមិញ របួសនោះបានជាសះស្បើយវិញទៅហើយ នឹងរំពឹងថានៅឆ្នាំ២០២៣នេះ នឹងអាចត្រលប់ចូលសង្វៀន UFC វិញជាក់ជាមិនខាន។ McGregor គឺជាកីឡាករកំពូលម្នាក់ប្រចាំសង្វៀន UFC របស់សហរដ្ឋអាមេរិកនេះផងដែរ៕