ក្រុម Atletico Madrid បានអស់ពានក្នុងការប្រជែងទៅហើយនៅរដូវកាលនេះ ក្រោយពីពួកគេធ្លាក់ចេញពី Copa del Rey នៅយប់មិញនេះក្រោមថ្វីជើង Real Madrid ។
ក្រុមរបស់លោក Simeone បានរបូតឱកាសប្រជែងពាន La Liga ក្រោយពីដាច់ឆ្ងាយពីក្រុមកំពូលតារាងមែនទែន ហើយបច្ចុប្បន្នត្រឹមប្រជែងយក Top4 ប៉ុណ្ណោះ។ ខណៈដែល UEFA Champions League និង Copa del Rey វិញក៏ពួកគេបានធ្លាក់ចេញអស់ទៅហើយដែរ។ ដូច្នេះនារដូវកាលនេះ គឺក្រុម AT Madrid នឹងមិនមានឈ្មោះពានរង្វាន់អ្វីនោះទេ។
លោក Simeone ដែលជាអ្នកចាត់ការក្រុមបាននិយាយដែរថា៖ “យើងបានរបូតពានអស់ហើយ។ អ្វីដែលខ្ញុំអាចនិយាយបាននៅពេលនេះ គឺយើងមានតែបន្ដប្រឹងប្រែងហ្វឹកហាត់និងប្រកួតនៅ La Ligaរហូតដល់ចប់រដូវកាល។ យើងនឹងដឹងថានឹងមានអ្វីកើតឡើងបន្ដទៀត នៅពេលចប់រដូវកាលនេះ”៕