ខ្សែប្រយុទ្ធ Cristiano Ronaldo នៅមិនទាន់មានសំណាងរកបានគ្រាប់បាល់ឱ្យក្រុម Al Nassr នៅឡើយទេ ហើយប្រកួតនៅយប់មិញក៏ចាញ់ក្រុម Al-Ittihad ក្នុងលទ្ធផល ៣-១ ថែមទៀត។
ក្នុងការប្រកួតវគ្គពាក់កណ្ដាលផ្ដាច់ព្រ័ត្រ Saudi Super Cup យប់មិញនេះ ក្រុម Al Nassr បានបរាជ័យក្រោមថ្វីជើងក្រុម Al-Ittihad ក្នុងលទ្ធផល ៣-១ ឯណោះ។ ក្នុងការប្រកួតនេះដែរ Ronaldo ក៏មានវត្តមានលេងដូចគ្នា ប៉ុន្តែគេមិនអាចជួយក្រុមបាននោះទេ ពោលគឺបញ្ចប់ទៅជាមួយបរាជ័យតែម្ដង។ នេះជាប្រកួតទី២ហើយដែលកីឡាករសញ្ជាតិព័រទុយហ្គាល់បានចូលលេងជាផ្លូវការ ប៉ុន្តែនៅមិនទាន់មានឱកាសរកបានគ្រាប់នៅឡើយទេ។
ជាមួយការលេងជាខ្សែប្រយុទ្ធសំខាន់ ហើយរកមិនទាន់បាន១គ្រាប់នេះដែរ បានធ្វើឱ្យមានការសង្ស័យច្រើនដែរហើយចំពោះវត្តមានរបស់គេនៅក្លឹប Al Nassr នេះ។ ខណៈដែលតម្លៃខ្លួនរបស់គេក្នុង១ឆ្នាំនៅក្លឹបមួយនេះ មានរហូតដល់២១០លានដុល្លារឯណោះ៕