លោក Jose Mouriniho ដឹងច្បាស់ថា គ្មានផ្លូវណាមួយដែលក្លឹប Real Madrid នឹងអនុញ្ញាតឱ្យ Cristiano Ronaldo ចាកចេញបានឡើយ។
មានដំណឹងជាច្រើនកាលពីរដូវកាលមុន ដែលថា Ronaldo នឹងចាកចេញពីក្លឹប Real Madrid ហើយ Manchester United ជាជម្រើស១ក្នុងចំណោមជម្រើសផ្សេងៗ។ ផ្ទុយទៅវិញ នារដូវកាលដោះដូរកីឡាករនេះ លោក Mourinho បែរជាគិតថាវាគ្មានផ្លូវនោះទេ ដែលក្រុមអធិរាជសព្រមលក់កីឡាករឆ្នើមរបស់ខ្លួននោះ។
“ខ្ញុំដឹងច្បាស់ ពួកគេមិនព្រមលក់ Ronaldo ឡើយ។ ពួកគេនឹងទុក រហូតដល់ទល់តែចូលនិវត្តន៍ ឬអាចឱ្យទៅលេងនៅអាមេរិក១ឆ្នាំសិន ទើបចូលនិវត្តន៍តែម្ដង។ ទោះជាក្លឹបណាក៏ដោយនៅលីគអឺរ៉ុប នឹងមិនមានឱកាសបានចុះកុងត្រាយក រូបគេទៀតឡើយ”។ សម្ដីរបស់លោក Mourinho ។
ប្រធានក្រុមជម្រើសជាតិព័រទុយហ្គាល់ខាងលើ ចូលលេងឱ្យក្លឹប Real Madrid នៅឆ្នាំ២០០៩ ដោយបង្ហាញខ្លួនបាន២៩១ប្រកួត រកបាន៣១០គ្រាប់។ ខ្សែប្រយុទ្ធវ័យ៣៣ឆ្នាំ ជួយក្លឹបនៅអេស្ប៉ាញនេះ ជោគជ័យខ្លាំងមែនទែននៅប៉ុន្មានរដូវកាលចុងក្រោយនេះ ដោយអាចឈ្នះពាន UEFA Champions League ៣ដង ក្នុងរយៈពេល៤ឆ្នាំ៕ប្រភព៖ MARCA
