ក្លឹប Bayern Munich បានបណ្ដេញគ្រូបង្វឹកអ្នកចាំទីម្នាក់ចេញ ក្រោយពីលោកបានធ្វើឱ្យបែកធ្លាយសារ Chat ឆ្លើយឆ្លងគ្នាក្នុងក្លឹប។
លោក Toni Tapalovic គឺជាគ្រូបង្វឹកផ្ទាល់របស់អ្នកចាំទី Manuel Neuer ។ លោកត្រូវបានក្លឹបសម្រេចដកចេញពីតំណែង បន្ទាប់ពីធ្វើឱ្យបែកធ្លាយការសន្ទនាគ្នារវាងបុគ្គលិកគ្រូបង្វឹកជាមួយកីឡាករ។ ដោយសារស្នើសុំនេះ ចេញពីអ្នកចាត់ការ Julian Nagelsmann ផ្ទាល់តែម្ដង។ លោក Julian ចាត់ទុកថានេះជាជារឿងសម្ងាត់របស់ក្លឹប ហើយការធ្វើឱ្យបែកធ្លាយគឺជាទំនួលខុសត្រូវរបស់បុគ្គលគ្រប់រូប។
ប្រភពជាច្រើនទៀតបានអះអាងថាការបែកធ្លាយសារមិនមែនជាកត្ដាតែមួយដែលធ្វើឱ្យលោក Toni Tapalovic ត្រូវដកចេញនោះទេ។ ទំនាក់ទំនងរបស់គ្រូបង្វឹកអ្នកចាំទីនេះ និងលោក Julian ហាក់មិនស្របគ្នាឡើយនៅពេលកន្លងមកនេះ។ ដោយលោក បានចាត់ទុកថាវិធីធ្វើការរបស់ពួកគេគឺខុសគ្នា មិនអាចធ្វើការជាមួយគ្នាបានទេ។ លោក Toni ជាគ្រូបង្វឹកអ្នកចាំទីដែលធ្វើការនៅ Bayern Munich ១១ឆ្នាំមកហើយ៕