ក្លឹបបាល់ទាត់គិរីវង់សុខសែនជ័យ បានសម្រេចតែងតាំងលោក សាប៊ូន វិនតា ធ្វើជាគ្រូបង្វឹកនារដូវកាលថ្មីខាងមុខនេះហើយ។
តាមរយៈការបង្ហោះនៅលើបណ្ដាញសង្គម ក្លឹបដែលមានមូលដ្ឋាននៅខេត្តតាកែវខាងលើនេះ បានសម្រេចចុះកុងត្រាយកលោកសាប៊ូន វិនតា មកធ្វើជាគ្រូបង្វឹកថ្មីហើយ។ លោក សាប៊ូន វិនតា នេះដែរ គឺជាគ្រូបង្វឹកម្នាក់ដែលកាន់សញ្ញាបត្រប្រភេទ AFC A License និងសំបូរដោយបទពិសោធជាច្រើន ជាពិសេសដឹកនាំក្រុមយុវជនរបស់ជម្រើសជាតិកម្ពុជាតែម្ដងកាលពីពេលកន្លងទៅនេះ។
អតីតនាយកបច្ចេកទេសនៃក្លឹបបាល់ទាត់ ISI ដង្កោសែនជ័យខាងលើបានបង្ហាញចំណាប់អារម្មណ៍ថា៖ “សូមអរគុណដល់ថ្នាក់ដឹកនាំក្លិប ក្រុមការងារ និងអ្នកគាំទ្រក្លិបបាល់ទាត់គិរីវង់សុខសែនជ័យ ដែលបានផ្តល់ទំនុកចិត្ត និងឳកាសដ៏មានតម្លៃមួយនេះ សម្រាប់ជីវិតអាជីពបាល់ទាត់របស់ខ្ញុំ។ ខ្ញុំនឹងប្រឹងប្រែងឱ្យអស់ពីសមត្ថភាព នូវអ្វីដែលខ្ញុំមាន សម្រាប់គ្រួសារបាល់ទាត់គីរីវង់សុខសែនជ័យ” ៕