គិតត្រឹមតែរដូវកាលនេះ ក្របខណ្ឌ English Premier League រកចំណូលបានជាង២ពាន់លានផោន ទៅការផ្សព្វផ្សាយនានា។
ចំណូលទាំងអស់នោះរកបានការលក់សិទ្ធផ្សាយក្នុងស្រុក និងក្រៅស្រុក ចំណូលពីខាង Commercial និងការឧបត្ថម្ភផ្សេងៗទៀត។ ក្លឹបដែលរកបានប្រាក់ច្រើនជាងគឺគឺ Manchester United សរុបបាន £149,767,145 ខណៈដែលក្លឹប Manchester City វិញ ក្រុមម្ចាស់ជើងឯកបានតែ £149,438,654 ប៉ុណ្ណោះ។ ចំណែកឯ Liverpool វិញ រកបាន £145,904,609 និង Tottenham £144,446,238។ ក្រុមបាតតារាង West Brom ដែលត្រូវកាត់ចោល រកចំណូលបាន៩៤លានផោនដែរ បើទោះជាពួកគេធ្វើមិនបានល្អយ៉ាងណាក៏ដោយ។
Sky និង BT Sport ជាទូរទស្សន៍ផ្ដាច់មុខរបស់ Premier League រយៈពេល៣ឆ្នាំចាប់ពីឆ្នាំ២០១៦ដល់២០១៩។ រយៈពេល៣ឆ្នាំនេះ ពួកគេផ្ដល់ឱ្យ Premier League ប្រមាណ៥ពាន់លានផោនឯណោះ។ ដូច្នេះហើយ ទើបបានជាក្រុមបាល់ទាត់នៅអង់គ្លេសទទួលបានប្រាក់ច្រើនយ៉ាងនេះ៕ប្រភព៖ DailyMail
