លោក Carlos Ancelotti បាននិយាយថា Mbappe និង Neymar នេះហើយ ដែលជាអ្នកត្រូវជំនួស Lionel Messi និង Cristiano Ronaldo ទៅថ្ងៃអនាគត។
អ្នកចាត់ការក្រុម Napoli បានបញ្ជាក់កីឡាកររបស់ក្រុម PSG ទាំងពីរខាងលើនេះ ជាតួឯកក្នុងវិស័យបាល់ទាត់ទៅថ្ងៃមុខ។ ពួកគេមានសមត្ថភាពខ្ពស់ ដែលពិបាករកកីឡាករណាមកប្រៀបខ្លាំងណាស់។ មួយវិញទៀត ខ្សែប្រយុទ្ធទាំងពីរនេះហើយ ដែលសក្ដិសមបំផុតសម្រាប់ជំនួសតំណែង Messi និង Ronaldo ដែលកំពុងមានវ័យកាន់តែជ្រេទៅហើយនោះ។
“ពួកគាត់ជាកីឡាករកំពូល ហើយសមត្ថភាពរបស់គាត់ គឺសមនឹងជំនួស Ronaldo និង Messi ខ្លាំងណាស់ ក្នុងការឈ្នះពានរង្វាន់ធំៗនៅថ្ងៃមុខ។ នៅឆ្នាំនេះ បើ Mbappe មិនឈ្នះ Ballon d’Or ទេ នោះនៅឆ្នាំបន្ទាប់ៗទៀត រូបគេនឹងឈ្នះវាមិនខាន។ សមត្ថភាពរបស់គាត់ សក្ដិសមនឹងពាននេះណាស់”។ សម្ដីរបស់លោក Carlo Ancelotti ៕ប្រភពFourFourtwo
