លោក Xavi គ្រូបង្វឹករបស់ក្រុម FC Barcelona មានក្ដីសង្ឃឹមខ្ពស់ក្នុងការឈ្នះពានរង្វាន់លីគ La Liga នារដូវកាលនេះ ក្រោយពីខកបំណងនៅ UEFA Champions League ។
បន្ទាប់ពីក្លឹបសម្រាកឱ្យកីឡាករទៅប្រកួត World Cup មក នៅពេលនេះសមាជិកទាំងអស់បានត្រលប់មកចូលរួមហ្វឹកហាត់វិញហើយដើម្បីត្រៀមប្រកួត។ ដោយឡែកកីឡាករដែលរបួសមុន World Cup ក៏បានចូលរួមនិងជាសះស្បើយវិញអស់ហើយដែរ។ ដោយសារតែកីឡាករពេញជើង ហើយក្រុមក៏កំពុងធ្វើបានល្អ ឈរនៅកំពូលតារាងថែមទៀតនោះ ទើបធ្វើឱ្យលោក Xavi មានទំនុកចិត្តខ្ពស់ក្នុងការឈ្នះពានលីគមិនខាន។
អ្នកចាត់ការក្រុមខាងលើនិយាយថា៖ “យើងកំពុងធ្វើបានល្អ ហើយកីឡាករក៏មិនមានបញ្ហារបួសដែរ។ វាពិតជាខ្មាស់អៀនមែនដែលធ្លាក់ចេញពី Champions League ។ យើងនៅតែបន្ដខិតខំ និងប្រកួតប្រជែងបន្ដទៀត។ ខ្ញុំគិតថាយើងអាចឈ្នះពានបាន។ ខ្ញុំមានទំនុកចិត្តលើរឿងនេះ។ យើងកំពុងធ្វើបានល្អ។ ក្លឹបបានធ្វើរឿងយ៉ាងត្រឹមត្រូវដើម្បីនាំយកកីឡាករឆ្នើមៗមករួមក្រុម”៕