អតីតខ្សែប្រយុទ្ធ Ronaldinho បានអះអាងថាក្រុមជម្រើសជាតិបារាំងនៅ World Cup 2022 ពិតជាក្រុមខ្លាំងណាស់ក្រោមការដឹកនាំរបស់លោក Didier Deschamps ។
ក្រុមបារាំង កំពុងធ្វើបានល្អណាស់ក្នុងការប្រកួត World Cup 2022 នេះ ជាពិសេសតំបន់ប្រយុទ្ធរបស់ពួកគេមុតស្រួចមែនទែន ហើយក៏មិនមានកីឡាករណារបួសនោះទេ។ ជាក់ស្ដែង ការយកឈ្នះលើក្រុមអង់គ្លេសកន្លងទៅ និងយកឈ្នះលើម៉ារុកនៅវគ្គពាក់កណ្ដាលផ្ដាច់ព្រ័ត្រទៀត គឺរឹតតែធ្វើឱ្យបារាំងមានកម្លាំងចិត្តបន្ថែមទៀតក្នុងការប្រកួតវគ្គផ្ដាច់ព្រ័ត្រទល់ក្រុមអាហ្សង់ទីននៅរាត្រីនេះ។
ជាក់ស្ដែង លោក Ronaldinho បានសរសើរបារាំងថា៖ “បារាំងពិតជាខ្លាំងណាស់ក្នុងការប្រកួតនេះ ជាមួយគ្រូបង្វឹកដែលធ្លាប់ឈ្នះ World Cup ថែមទៀត។ ខ្ញុំពេញចិត្ត Deschamps គាត់ពិតជាដឹកនាំក្រុមល្អ និងយល់ពីកូនក្រុមច្បាស់។ ខ្ញុំពេញចិត្តវិធីសាស្ត្រក្នុងការដឹកនាំក្រុមរបស់គាត់។ យើងពិតជាសរសើរចំពោះស្ទាយលេងរបស់បារាំង និងកីឡាករក្មេងៗរបស់គាត់”៕