លោក Didier Deschamps គ្រូបង្វឹកក្រុមជម្រើសជាតិបារាំង បានអះអាងថានៅពេលនេះមានពលរដ្ឋបារាំងមួយចំនួនហាក់មិនចង់ឃើញជម្រើសជាតិឈ្នះនោះទេ ព្រោះពួកគេជាអ្នកគាំទ្រ Messi ចង់ឃើញ Messi ឈ្នះពាន World Cup ។
ក្រុមជម្រើសជាតិបារាំង នឹងត្រូវប្រកួតជាមួយក្រុមជម្រើសជាតិអាហ្សង់ទីននៅម៉ោង១០យប់នេះហើយ ដើម្បីកាត់សេចក្ដីក្រុមណាជាក្រុមឈ្នះពានរង្វាន់ World Cup 2022 ។ យ៉ាងណាមិញ បារាំងនេះទៀតសោតដែលជាក្រុមការពារតំណែងជើងឯកនោះ កំពុងមានបញ្ហារបួសច្រើនជាមួយកីឡាករសំខាន់ៗដែលទំនងជាអាចអវត្តមាននៅរាត្រីនេះ។ ពួកគេឆ្លងជំងឺផ្ដាសាយមិនបានហាត់ទេនៅប៉ុន្មានថ្ងៃចុងក្រោយនេះ។
បន្ថែមពីលើបញ្ហាកីឡាកររបួសនេះហើយ លោក Didier Deschamps បាននិយាយចំណុចមួយទៀតថា៖ “ខ្ញុំដឹងថាមានមនុស្សជាច្រើនកំពុងចង់ឃើញ Messi ឈ្នះពាន World Cup ហើយក្នុងនោះក៏មាននៅបារាំងផងដែរ។ ប៉ុន្តែសម្រាប់យើង យើងនឹងព្យាយាមដើម្បីសម្រេចគោលដៅរបស់យើងក្នុងការឈ្នះពានរង្វាន់នេះម្ដងទៀត”៕