សហព័ន្ធបាល់ទាត់អន្ដរជាតិ FIFA បានប្រកាសកាលពីពេលថ្មីៗនេះ អំពីការកែប្រែការប្រកួត FIFA Club World Cup ដោយលេងនៅ៣ឆ្នាំម្ដងវិញ ហើយចំនួនក្រុមមានដល់ទៅ៣២ក្រុមឯណោះ។
មុនការប្រកួតវគ្គផ្ដាច់ព្រ័ត្ររវាងក្រុមអាហ្សង់ទីន និងបារាំងនៅថ្ងៃស្អែកនេះ ប្រធាន FIFA លោកGianni Infantino បានប្រកាសពីគម្រោងថ្មីរបស់ពួកគេ។ ដោយលោកបានអះអាងថា FIFA នឹងធ្វើការប្រកួត FIFA Club World Cup នៅ៣ឆ្នាំម្ដងវិញ ពោលគឺការប្រកួត Club World Cup លើកក្រោយនឹងធ្វើឡើងនៅឆ្នាំ២០២៥ខាងមុខនេះ។ ខណៈដែលក្រុមចូលរួមមានដល់ទៅ៣២ក្រុមឯណោះ ពោលគឺវាពិតជាច្រើនមែនទែនបើធៀបជាមួយការប្រកួតកន្លងទៅ។ ខណៈដែលគម្រោងមួយនេះ ធ្លាប់បានរៀបចំចង់ធ្វើម្ដងមកហើយនៅប្រទេសចិន មុនផ្ទុះកូវីដ១៩ ប៉ុន្តែក្រោយកើតហេតុនេះទៅ ទើបរំសាយចោលវិញ។
ដោយឡែកគម្រោងមួយនេះត្រូវបានក្លឹបធំៗនៅអឺរ៉ុបសុទ្ធតែប្រឆាំងទាំងអស់កាលពីសប្ដាហ៍មុននេះ ប៉ុន្តែក៏មិនអាចរារាំង FIFA បានដែរ។ សហព័ន្ធបាល់ទាត់អន្ដរជាតិមួយនេះ នៅតែបន្ដគោលដៅរបស់ខ្លួនក្នុងការរៀបចំការប្រកួត Club World Cup ៣ឆ្នាំម្ដងនេះដដែល បើទោះជាមានការប្រឆាំងច្រើនក៏ដោយ។ ពានរង្វាន់មួយនេះ បើរៀបបែបនេះនឹងមានភាពស្មុកស្មាញច្រើនមែនទែន ព្រោះជាន់ជាមួយការប្រកួតជាច្រើនរបស់ក្លឹបនានា៕