ក្លឹបបាល់ទាត់បឹងកេត បានបញ្ជូនកីឡាករយុវជន២នាក់និងគ្រូបង្វឹកម្នាក់ទៅហ្វឹកហាត់នៅប្រទេសជប៉ុនជាមួយក្លឹប Shonan Bellmare នៃក្របខណ្ឌលីគកំពូលជប៉ុន។
កីឡាករដែលទទួលបានឱកាសពិសេសខាងលើមាន ខ្សែប្រយុទ្ធ ស្រ៊េន មិនា និងអ្នកចាំទី Immanoel Osamoje ។ ខណៈដែលគ្រូបង្វឹកម្នាក់ទៀតនោះគឺលោក សាប៊ូន វិនតា ដែលមានតួនាទីជានាយកផ្នែកគម្រោងអភិវឌ្ឍយុវជនរបស់ក្លឹបបឹងកេតផ្ទាល់តែម្ដង។ កីឡាករទាំងពីរនាក់នេះ នឹងទទួលបានការហ្វឹកហាត់ជាមួយក្លឹប Shonan Bellmare ក្នុងកម្រិតយុវជនក្រោមអាយុ១៨ឆ្នាំ។
ដោយ វិនតា ដែលទទួលបានឱកាសចេញទៅរៀនសូត្រនៅប្រទេសជប៉ុនច្រើននោះ បាននិយាយមុនការហោះទៅថា៖ “កម្មវិធីហ្វឹកហាត់នេះ នឹងផ្តល់នូវបទពិសោធថ្មីវមួយទៀត សម្រាប់ខ្ញុំរៀនសូត្រពីការហ្វឹកហាត់ និងអភិវឌ្ឍបាល់ទាត់យុវជន នៅក្លិបជប៉ុនមួយនេះ។ ខ្ញុំសង្ឃឹមថា បទពិសោធនេះ នឹងក្លាយជាផ្នែកមួយ ក្នុងការអភិវឌ្ឍយុវជនរបស់ក្លិបបឹងកេត ផងដែរ នៅថ្ងអានាគត”៕