ខ្សែបម្រើ Luka Modric បានអះអាងថាក្រុមក្រូអាតរបស់ខ្លួននឹងពិបាកមិនខាននៅរាត្រីនេះ ដើម្បីស្វះស្វែងរកវិធីបិទ Lionel Messi ឱ្យជាប់ក្នុងការប្រកួតពាន World Cup 2022 នេះ។
Luka Modric បាននិយាយនៅមុនការប្រកួតនារាត្រីនេះថា៖ “អាហ្សង់ទីនជាក្រុមអស្ចារ្យមួយ។ ខ្ញុំមិនរំពឹងថាលេងជាមួយកីឡាករតែម្នាក់នៃពួកគេនោះទេ។ ច្បាស់ណាស់ Leo Messi ជាក្រុមសំខាន់ក្នុងក្រុមនេះ ហើយយើងនឹងជួបការលំបាកច្រើនដើម្បីបញ្ឈប់គាត់ ប៉ុន្ដែយើងក៏បានត្រៀមខ្លួនរួចរាល់ និងផ្ដល់គ្រប់យ៉ាងក្នុងការប្រកួតនេះ។ យើងនឹងលេងឱ្យបានល្អបំផុតក្នុងការប្រកួត។ ខ្ញុំសង្ឃឹមថាវាគ្រប់គ្រាន់ដើម្បីឡើងដល់វគ្គផ្ដាច់ព្រ័ត្របាន”។
រំលឹកថាក្រូអាតនេះ ត្បិតតែមិនសូវមានកីឡាករល្បីៗច្រើនមែន ប៉ុន្តែពួកគេធ្វើបានល្អណាស់ក្នុងការប្រកួត World Cup ។ ជាក់ស្ដែងនៅឆ្នាំ២០១៨កន្លងទៅ ក្រូអាតបានទម្លាក់អាហ្សង់ទីនម្ដងមកហើយ ដោយយកឈ្នះក្នុងលទ្ធផល ៣-០។ ហើយនៅឆ្នាំ២០១៨នេះ កាលពីវគ្គ៨ក្រុមចុងក្រោយ ក្រូអាតក៏ជាអ្នកទម្លាក់ប្រេស៊ីលផងដែរ៕