លោក Zlatan Ibrahimovic បានអះអាងថានៅឆ្នាំនេះ ខ្សែប្រយុទ្ធ Lionel Messi នឹងឈ្នះពានរង្វាន់ FIFA World Cup 2022 ហើយ។
អាហ្សង់ទីន លើកពានរង្វាន់ World Cup ចុងក្រោយបង្អស់គឺនៅឆ្នាំ១៩៨៦ឯណោះ នាយុគសម័យរបស់ Maradona ។ ក្រោយមក ពួកគេមានឱកាសឡើងដល់វគ្គផ្ដាច់ព្រ័ត្រនៅឆ្នាំ២០១៤ថ្មីៗនេះ ប៉ុន្តែសោកស្ដាយ លេងចាញ់អាល្លឺម៉ង់នៅវគ្គផ្ដាច់ព្រ័ត្រ។ ហើយមកដល់ឆ្នាំ២០២២នេះ ពួកគេក៏បានឡើងមកដល់វគ្គពាក់កណ្ដាលផ្ដាច់ព្រ័ត្រ តទល់ជាមួយក្រុមក្រូអាតនៅរាត្រីនេះទៀត។ ប្រសិនបើពួកគេឈ្នះ នោះនឹងឡើងដល់វគ្គផ្ដាច់ព្រ័ត្រនៅថ្ងៃទី១៨ខែធ្នូឆ្នាំ២០២២នេះ។
សម្រាប់ការប្រកួតនេះដែរ Zlatan កីឡាករវ័យ៤១ឆ្នាំនិងកំពុងលេងឱ្យក្រុម AC Milan បាននិយាយថា៖ “ខ្ញុំគិតថាគេបានចារឈ្មោះរួចហើយនរណាដែលឈ្នះពាន ហើយអ្នកក៏ដឹងថាខ្ញុំចង់សំដៅទៅនរណាដែរ។ ខ្ញុំគិតថា Messi នឹងលើកពាននេះ ហើយវាក៏បានចារឈ្មោះរួចហើយដែរ”៕