លោក Ronaldo Nazario វីរបុរសបាល់ទាត់ប្រេស៊ីល បានអះអាងថាក្រុមដែលលោកយល់ឃើញថាមានសង្ឃឹមឈ្នះពានរង្វាន់ FIFA World Cup 2022 នេះជាងគេគឺក្រុមជម្រើសជាតិបារាំង។
មុនការប្រកួត Ronaldo ជឿថាជម្រើសជាតិប្រេស៊ីលរបស់ខ្លួនជាក្រុមមានភាគរយឈ្នះពាន World Cup ច្រើនជាងក្រុមណាទាំងអស់។ តែក្រោយពីប្រេស៊ីលធ្លាក់ត្រឹមវគ្គ៨ក្រុមចុងក្រោយទៅ Ronaldo ក៏បានជ្រើសរើសក្រុមទៀតដែលមានភាគរយច្រើនក្នុងការឈ្នះពាននេះទៀតដែរ។ Ronaldo បានយកក្រុមជម្រើសជាតិបារាំង ថានឹងអាចឈ្នះពាន World Cup 2022 នេះទៀត។
Ronaldo ប្រេស៊ីលបាននិយាយថា៖ “ខ្ញុំគិតថាពួកគេ (បារាំង)ជាក្រុមដែលនឹងឈ្នះ World Cup ។ ពួកគេជាក្រុមរឹងម៉ាំ ទាំងការពារ បម្រើនិងប្រយុទ្ធ។ ខ្ញុំក៏ចង់ឃើញ Messi ឈ្នះពាន World Cup ដែរ ប៉ុន្តែមិនមែនជាក្រុមអាហ្សង់ទីននោះទេ។ អ្នកបានដឹងច្បាស់ហើយថាប្រេស៊ីលនិងអាហ្សង់ទីនជាគូប្រជែងរាប់ឆ្នាំ។ ដូច្នេះខ្ញុំគឺជាមនុស្សពុតត្បុតហើយដែលនិយាយថាចង់ឃើញអាហ្សង់ទីនឈ្នះពាន World Cup។ វាមិនមែនជារឿងពិតនោះទេ”៕