ខ្សែប្រយុទ្ធស្លាប Ivan Perisic របស់ក្រុមក្រូអាត បាននិយាយថាប្រសិនបើក្រុមអាចលេងបានដូចប្រកួតជាមួយក្រុមប្រេស៊ីល នោះឱកាសឈ្នះអាហ្សង់ទីនក៏មានច្រើនដូចគ្នា។
ក្រូអាត នឹងត្រូវប្រកួតជាមួយក្រុមអាហ្សង់ទីន នៅម៉ោង២រំលងអាធ្រាត្រនេះ សម្រាប់ការប្រកួតពានរង្វាន់ FIFA World Cup 2022 វគ្គពាក់កណ្ដាលផ្ដាច់ព្រ័ត្រ។ មុនការប្រកួតនេះដែរ ក្រុមអាហ្សង់ទីន ត្រូវបានគេគិតថាមានសង្ឃឹមឈ្នះការប្រកួតនេះច្រើន ព្រោះពួកគេកំពុងធ្វើបានល្អ។ តែខាងក្រូអាតវិញ ក៏មិនអស់សង្ឃឹមដូចគ្នា ព្រោះឡើងមកដល់វគ្គនេះ ពួកគេបានទម្លាក់ក្រុមខ្លាំងប្រេស៊ីលបានទៅហើយនៅវគ្គប៉េណាល់ទីកាត់សេចក្ដី។
សម្រាប់ជំនួបនេះដែរ កីឡាករ Perisic របស់ក្លឹប Spurs បាននិយាយដែរថា៖ “ប្រសិនបើយើងលេងបានល្អដូចកាលប៉ះប្រេស៊ីល នោះយើងនឹងមានឱកាស។ ពួកគេនឹងលេង១០០%សម្រាប់ការប្រកួតនេះ ដូចដែលក្រុមរបស់យើងនឹងធ្វើដូចគ្នា ដូច្នេះចាំមើលក្រុមណាធ្វើបានល្អជាង និងឈ្នះការប្រកួត។ យើងសង្ឃឹមថានេះជាការប្រកួតជក់ចិត្តមួយ ហើយខ្ញុំសង្ឃឹមពិភពលោកទាំងមូល និងអ្នកគាំទ្រនៅកីឡដ្ឋានសប្បាយចិត្តក្នុងការមើលប្រកួតនេះ”៕