ក្រុមបាល់ទាត់ជម្រើសជាតិអាហ្សង់ទីន នឹងត្រូវប្រកួតជាមួយក្រុមក្រូអាតក្នុងពានរង្វាន់ FIFA World Cup 2022 នេះ នាវគ្គពាក់កណ្ដាលផ្ដាច់ព្រ័ត្រម៉ោង២រំលងអាធ្រាត្រ។
ក្រូអាតជាក្រុមជើងឯកនៃពានរង្វាន់ FIFA World Cup 2018 កន្លងទៅ ខណៈដែលឆ្នាំនេះពួកគេក៏កំពុងឈានដល់វគ្គពាក់កណ្ដាលផ្ដាច់ព្រ័ត្រទៀតផងដែរ។ មុនឡើងមកដល់វគ្គនេះ ក្រូអាត បានទម្លាក់ក្រុមខ្លាំងនៅឡាទីន ប្រេស៊ីល ម្ដងរួចមកហើយនៅវគ្គប៉េណាល់ទី។ ស្របពេលរាត្រីនេះ ពួកគេនឹងតតាំងជាមួយក្រុមខ្លាំងឡាទីន មួយទៀតគឺអាហ្សង់ទីន។ ប្រកួតជួបគ្នារវាងក្រុមទាំងពីរ គឺក្រូអាតនេះហើយ ជាអ្នកទម្លាក់អាហ្សង់ទីននៅ World Cup 2018 ដោយយកឈ្នះដល់ទៅ ៣-០ ឯណោះ។
ដោយឡែកសម្រាប់ក្រុមអាហ្សង់ទីនវិញ នៅឆ្នាំនេះក៏មិនធម្មតាដែរ។ ពួកគេបានរៀបចំក្រុមបានល្អ និងឡើងមកដល់វគ្គនេះ ទម្លាក់ក្រុមខ្លាំងនៅអឺរ៉ុប ហុល្លង់មួយហើយ។ ដូច្នេះ នៅរាត្រីនេះ ពួកគេនឹងប៉ះក្រុមក្រូអាតនៅអឺរ៉ុបមួយទៀត។ ដោយវាអាចនិយាយបានថាជាជំនួបសងសឹកផងដែរ ព្រោះអាហ្សង់ទីន ចាញ់ក្រុមក្រូអាត ៣-០ ម្ដងមកហើយ៕