ក្រុម PSG បានពិន័យ Mbappe និង Adrien Rabiot ចំពោះរឿងដែលពួកគេមកប្រជុំក្រុមយឺត ដោយសារតែជាប់មើល El Clasico រវាង Barcelona និង Real Madrid ។
លោក Thomas Tuchel មិនបានដាក់ឱ្យពួកគេលេងជម្រើសដំបូងទល់ក្រុម Marseille ឡើយកាលពីសប្ដាហ៍មុន ក្រោមហេតុផលថាជាការពិន័យដែលកីឡាករ២នាក់នេះ មកប្រជុំក្រុមយឺត២៥នាទី។ ចំពោះមូលហេតុដែលមកប្រជុំយឺតនេះ ត្រូវបានគេដឹងថា ពួកគេជាប់មើលការប្រកួត El Clasico ជាមួយគ្នា។ Mbappe បានបង្ហាញការមិនពេញចិត្តចំពោះរឿងខាងលើនេះ ប៉ុន្តែសំណាងដែលមាន Gianluigi Buffon ជាអ្នកលួងលោមគេ និងពន្យល់បន្ថែមពីតួនាទីរបស់ខ្លួនជាកីឡាករសំខាន់ម្នាក់ក្នុងក្រុម។
ជាក់ស្ដែងទៅ ការប្រកួតនោះ កីឡាករទាំងពីរខាងលើបានប្ដូរចូល ហើយ Mbappe ក៏ជាអ្នកស្វែងរកគ្រាប់បាល់បានផងដែរ ក្នុងជ័យជម្នះ ២-០ លើក្រុម Marseille នេះ៕ប្រភពDailyMail