ខ្សែប្រយុទ្ធ Lionel Messi បានស្នើឱ្យខាង FIFA ពិនិត្យឡើងវិញចំពោះអាជ្ញាកណ្ដាល Lahoz នៅយប់មិញដែលបានកាត់ក្ដីហាក់ដូចជាមិនយុត្ដិធម៌នោះទេ។
ក្នុងការប្រកួតរវាងក្រុមអាហ្សង់ទីន និងហុល្លង់នៅយប់មិញនេះ មានរឿងចម្រូងចម្រាសច្រើនកើតឡើង។ ជាក់ស្ដែងការប៉ះទង្គិចគ្នានៅចុងម៉ោង ដែលលោក Lahoz ជាអាជ្ញាកណ្ដាលដកកាតដល់ទៅ១៧កាតក្នុងការប្រកួតនេះ ហើយរឿងថែមម៉ោងដល់ទៅ១០នាទីថែមទៀត។ ដោយចំណុចនេះ ត្រូវបាន Messi មើលឃើញថាមានភាពមិនប្រក្រតីនោះទេ ដោយអាជ្ញាកណ្ដាលហាក់លំអៀងទៅខាងហុល្លង់ ចង់ឱ្យហុល្លង់ឈ្នះការប្រកួត។
ក្រោយចប់ការប្រកួត Messi បាននិយាយថា៖ “ខ្ញុំមិនចង់និយាយច្រើនពីអាជ្ញាកណ្ដាលនោះទេ ប៉ុន្តែគ្រប់គ្នាសុទ្ធតែបានឃើញអ្វីកើតឡើងនៅលើទីលានប្រកួត។ FIFA ត្រូវតែពិនិត្យឡើងវិញ។ វាមិនអាចទៅរួចទេដែលឱ្យអាជ្ញាកណ្ដាលបែបនេះបញ្ជាការប្រកួតសំខាន់ដូចថ្ងៃនេះ។ វាបង្ហាញច្បាស់ថាគាត់មិនសក្ដិសមក្នុងការបំពេញការងារនេះឡើយ”៕