ខ្សែប្រយុទ្ធ Raheem Sterling បានត្រលប់មកជួយក្រុមជម្រើសជាតិអង់គ្លេសនៅព្រឹត្តិការណ៍ FIFA World Cup 2022 វិញហើយ ក្រោយពីចាកចេញទៅមើលក្រុមគ្រួសារដែលត្រូវចោរចូលផ្ទះ។
កីឡាករវ័យ២៧ឆ្នាំត្រូវបានអនុញ្ញាតឱ្យទៅអង់គ្លេសវិញ ក្រោយពីមានដំណឹងថាមានក្រុមចោរចូលផ្ទះ ខណៈដែលប្រពន្ធកូនរបស់ពួកគេក៏ស្ថិតនៅក្នុងផ្ទះនោះដែរ។ ក្រោយពីបានទៅជួបមុខគ្រួសារមួយរយៈមកក៏ស្រាប់តែ Sterling បានត្រលប់មកដល់កាតាវិញហើយ ដើម្បីចូលហាត់និងត្រៀមប្រកួតនៅព្រឹត្តិការណ៍ World Cup បន្ដទៀត។ ដោយអង់គ្លេសកំពុងត្រៀមខ្លួនលេងទល់ក្រុមបារាំងនៅវគ្គ៨ក្រុមចុងក្រោយផងដែរ។
ដោយសារតែទើបត្រលប់មកវិញនិងមិនបានហាត់ជាមួយក្រុមប៉ុន្មានថ្ងៃមកនេះ អង់គ្លេសទំនងជាមិនដាក់ Sterling ឱ្យលេងជម្រើស១១នាក់ដំបូងនោះទេ។ ប៉ុន្តែវត្ដមានរបស់គេក៏ល្អសម្រាប់ក្រុមលោក Gareth Southgate ផងដែរ ដើម្បីមានជម្រើសនៅតំបន់ប្រយុទ្ធស្លាប។ ខណៈដែលកន្លងមក រូបគេក៏ជាកីឡាករធ្វើបានល្អ ក្រឡុកខ្សែការពារគូប្រកួតបានខ្លាំងដែរ៕