អ្នកចាំទី Andries Noppert របស់ក្រុមជម្រើសជាតិហុល្លង់បានអះអាងថាខ្សែប្រយុទ្ធ Lionel Messi ក៏ជាមនុស្សធម្មតាដូចកីឡាករដទៃទៀតដែរ ដូច្នេះគេមិនមានអ្វីត្រូវខ្លាចនោះទេ។
ក្រុមហុល្លង់ នឹងប៉ះក្រុមជម្រើសជាតិអាហ្សង់ទីននៅម៉ោង២រំលងអាធ្រាត្រនេះហើយសម្រាប់ការប្រកួតវគ្គ៨ក្រុមចុងក្រោយពានរង្វាន់ FIFA World Cup 2022 ។ មុនការប្រកួតសំខាន់នេះចាប់ផ្ដើម អ្នកចាំទី Andries Noppert បានចេញមុខមកអះអាងហើយថាគេមានទំនុកចិត្តថាហុល្លង់នឹងអាចយកឈ្នះលើក្រុមអាហ្សង់ទីនបាន ហើយគេក៏មិនខ្លាច Messi ដែរក្នុងនាមជាអ្នកចាំទី។ Andries ថា Messi ក៏ជាមនុស្សដូចកីឡាករដទៃទៀតដែរ ដែលអាចទាត់ប៉េណាល់ទីមិនចូលដូចគ្នា។
អ្នកចាំទីដែលទើបជាប់ជម្រើសជាតិហុល្លង់បានលេង World Cup ជាលើកដំបូងខាងលើនិយាយថា៖ “គាត់អាចទាត់មិនចូល ដូចដែលយើងបានឃើញកាលពីប្រកួតបើករដូវកាលដំបូង។ គាត់តែងតែប្រើជើងដដែលដើម្បីទាត់ ដូចតែកីឡាករធម្មតាដែរ។ ច្បាស់ គាត់ជាកីឡាករល្អ ប៉ុន្តែដូចខ្ញុំ ខ្ញុំអាចសង្គ្រោះបាល់ប៉េណាល់ទីបានដូចគ្នា”៕