ក្រុមជម្រើសជាតិអេស្ប៉ាញ បានធ្លាក់ចេញពីពានរង្វាន់ World Cup 2022 នេះហើយ ក្រោយពីប៉េណាល់ទីចាញ់ក្រុមម៉ារុក ៣-០។
ម៉ារុកពិតជាធ្វើឱ្យកក្រើកព្រឹត្តិការណ៍ World Cup 2022 នេះមែនទែន។ ពួកគេលេងមិនទាន់ស្គាល់ពា្យថាចាញ់ឡើយ ជាពិសេសចុងក្រោយបិទអេស្ប៉ាញបាន ០-០ ដើម្បីអូសឱ្យដល់វគ្គប៉េណាល់ទីថែមទៀត។ នៅវគ្គនោះហើយ ក្រុមម៉ារុកកាន់តែធ្វើបានល្អ ស៊ុតចូលដល់ទៅ៣គ្រាប់ និងអ្នកចាំទីរបស់ពួកគេសង្គ្រោះបាល់អេស្ប៉ាញបាន៣គ្រាប់វិញថែមទៀត។ ចប់ការប្រកួតម៉ារុកប៉េណាល់ទីឈ្នះអេស្ប៉ាញក្នុងលទ្ធផល ៣-០។
ការធ្វើមិនបានល្អសោះនៅវគ្គប៉េណាល់ទីនេះហើយ ទើបបានជាធ្វើឱ្យអ្នកគាំទ្ររិះគន់ច្រើន ព្រោះលោក Luis Enrique ដែលជាគ្រូបង្វឹកអេស្ប៉ាញបាននិយាយមុនការប្រកួតថាលោកឱ្យកីឡាករត្រៀមទាត់ប៉េណាល់ទីនិងហាត់ឱ្យបានដល់១ពាន់ដងឯណោះ។ តែចុងក្រោយ ទាត់៣ជើង មិនចូលទាំង៣ជើង៕