ខ្សែប្រយុទ្ធ Cristiano Ronaldo នឹងទៅលេងឱ្យក្លឹប Al-Nassr នាខែមករាដើមឆ្នាំ២០២៣នេះ ក្រោយពីក្លឹបនៅប្រទេសអារ៉ាប់បីសាអូឌីតនេះផ្ដល់កុងត្រាឱ្យគេ២០០លានអឺរ៉ូក្នុង១ឆ្នាំ។
ក្លឹប Al Nassr បានដាក់ការស្នើយក Ronaldo នេះតាំងពីសប្ដាហ៍មុនមកម្ល៉េះ ដោយពួកគេបានផ្ដល់កិច្ចសន្យាដល់ឆ្នាំ២០២៥ឯណោះ ហើយក្នុង១ឆ្នាំ ខ្សែប្រយុទ្ធវ័យ៣៧ឆ្នាំនឹងទទួលបានតម្លៃពលកម្មដល់ទៅ២០០លានអឺរ៉ូ។ មិនទាន់មានការប្រកាសផ្លូវការពីខាងណានោះទេ ប៉ុន្តែបើតាមប្រភពជាច្រើនបានចុះផ្សាយថា Ronaldo បានយល់ព្រមជាមួយសំណើរនេះទៅហើយ។ ក្រោយពីចប់ព្រឹត្តិការណ៍ World Cup 2022 នេះ គេនឹងទៅចុះកុងត្រាភ្លាមតែម្ដង។
Ronaldo បានប្រកាសចែកផ្លូវជាមួយក្រុម Manchester United កាលពីមុនព្រឹត្តិការណ៍ FIFA World Cup 2022 ចាប់ផ្ដើម។ ដោយសារតែមិនទាន់មានក្លឹបលេងនេះហើយ ទើបបានជាក្រុម Al Nassr មើលឃើញឱកាស និងស្នើគេដើម្បីនាំទៅលេងនៅប្រទេសអារ៉ាប់ប៊ីសាអូឌីតតែម្ដង។ ជាមួយតម្លៃខ្លួន២០០លានអឺរ៉ូក្នុង១ឆ្នាំនេះ នឹងធ្វើឱ្យអតីតកីឡាករ Real Madrid ក្លាយជាកីឡាករមានតម្លៃពលកម្មខ្ពស់ជាងគេបំផុតហើយ៕