លោក Graham Arnold គ្រូបង្វឹកក្រុមជម្រើសជាតិអូស្ត្រាលី បានអះអាងថាក្រុមរបស់លោកបានត្រៀមជាស្រេចដើម្បីចូលប្រកួតជាមួយក្រុមអាហ្សង់ទីន និងមិនមានខ្លាចរអាអ្វីឡើយក្នុងការប្រកួតពានរង្វាន់ FIFA World Cup 2022 នេះ។
អូស្ត្រាលីបានបង្កើតកំណត់ត្រាថ្មីឡើងដល់វគ្គ១៦ក្រុមចុងក្រោយជាលើកទី២ក្នុងព្រឹត្តិការណ៍ World Cup 2022 ហើយនៅវគ្គចាញ់ធ្លាក់នេះដែរ ពួកគេនឹងត្រូវប្រកួតជាមួយក្រុមអាហ្សង់ទីននៅរាត្រីនេះហើយ។ អូស្ត្រាលី ជាក្រុមខ្លាំងមួយនៅអាស៊ី ហើយសម្រាប់ការប្រកួត World Cup នៅឆ្នាំនេះ ក៏ឃើញថាពួកគេបង្ហាញទម្រង់លេងប្លែកខ្លាំងមិនខុសពីជប៉ុន និងកូរ៉េខាងត្បូងផងដែរ។
បើតាមលោក Graham Arnold គ្រូបង្វឹកអូស្ត្រាលី បាននិយាយថា៖ “យើងមិនបានមើលឬមិនគោរពអាហ្សង់ទីនឡើយ។ ប៉ុន្ដែ វាជាការប្រកួត១១នាក់ទល់១១នាក់ ហើយវាជាការលេង១០នាក់អាវខៀវ ទល់១០នាក់អាវលឿង។ វាជាសង្គ្រាមលើវាលស្មៅមួយ ហើយយើងត្រូវតែប្រយុទ្ធនិងច្បាស់ថាកីឡាករយ់ងមានកាយសម្បទាល្អគ្រប់គ្រាន់។ ពួកគេមានកម្លាំងចិត្តខ្លាំង ហើយចេញចេញទៅប្រយុទ្ធដោយមានចិត្តចង់ឈ្នះ”៕