ខ្សែការពារ Sule របស់ Borussia Dortmund ចូលរួមប្រកួតជាមួយអាល្លឺម៉ង់ ខណៈដែលពួកគេត្រូវត្រឡប់ទៅផ្ទះត្រឹមវគ្គចែកពូលនៃការប្រកួត World Cup ជាលើកទីពីរជាប់ៗគ្នា។
លេងនៅតំបន់ការពារស្តាំក្នុងការប្រកួតបើកឆាកចាញ់ជប៉ុន អតីតកីឡាករ Bayern Munich រូបនេះបានបង្កកំហុសសម្រាប់គ្រាប់បាល់ទាំងពីរ បន្ទាប់ពីមិនបានរត់តាមបាល់ឲ្យត្រឹមត្រូវ និងព្យាយាមលេងលួចបាល់ Offside។
សូម្បីតែពេលលេងនៅខ្សែការពារកណ្តាល Sule នៅតែលេងមិនបានល្អ។ គាត់ត្រូវបានកីឡាករអេស្ប៉ាញ Alvaro Morata ស៊ុតមួយគ្រាប់ក្នុងលទ្ធផលស្មើ ១-១ មុនពេលមានការស្ទាក់ស្ទើរខ្លះនាំឱ្យ Manuel Neuer បង្កកំហុសចូលទីខ្លួនឯងទល់នឹងកូស្តារីកានៅយប់ថ្ងៃព្រហស្បតិ៍។
អាល្លឺម៉ង់បានបន្តយកឈ្នះ ៤-២ ខណៈដែលជប៉ុន និងអេស្ប៉ាញដឹកដៃគ្នាឡើងទៅវគ្គបន្ត ហើយអាឡឺម៉ង់ត្រូវបានហាលអាវត្រឹមវគ្គនេះ។
អតីតខ្សែបម្រើរបស់ Real Madrid និង Spurs លោក Van der Vaart បានប្រៀបធៀប Sule ទៅនឹង Maguire ដោយនិយាយថា៖
“អាល្លឺម៉ង់មានបញ្ហាក្នុងតំបន់ការការពារ។ Sule មិនមែនជាកីឡាករលំដាប់ពិភពលោកទេ។ គាត់គឺជាកីឡាករ Harry Maguire អាល្លឺម៉ង់។នៅពេលដែលខ្ញុំទៅមើលក្លឹបស្ម័គ្រចិត្តមួយលេងកាលពីថ្ងៃអាទិត្យ ខ្ញុំឃើញកីឡាករបីនាក់ដែលអាចលេងបានដូចគាត់”៕
ប្រភព៖ Sportbible