ខ្សែការពារYuto Nagatomo បាននិយាយថានៅលើលោកនេះគ្មាននរណាម្នាក់ជឿឡើយថាជប៉ុនអាចឈរនៅលេខ១ក្នុងពូលដែលមានក្រុមខ្លាំង២គឺអេស្ប៉ាញ និងអាល្លឺម៉ង់នោះ។
ពិតជារឿងគួរឱ្យភ្ញាក់ផ្អើលមែន ដែលជប៉ុននៅ World Cup ២០២២ នេះអាចយកឈ្នះក្រុមខ្លាំងអាល្លឺម៉ង់ និងអេស្ប៉ាញបាន ហើយថែមទាំងឈរនៅកំពូលតារាងក្នុងពូលថែមទៀត។ ការយកបាន៦ពិន្ទុក្នុងពូលមរណៈនេះហើយ ធ្វើឱ្យកីឡាករក្រុមជម្រើសជាតិជប៉ុនកាន់តែមានសង្ឃឹមច្រើនថែមទៀតក្នុងការលេងនៅវគ្គ១៦ក្រុមចុងក្រោយទល់ក្រុមក្រូអាតនៅថ្ងៃទី៥ខែធ្នូឆ្នាំ២០២២ខាងមុខ។
ចំពោះរឿងប្រកួតក្នុងពូលនេះដែរ កីឡាករពោរពេញដោយបទពិសោធ គឺខ្សែការពារ Yuto Nagatomo បាននិយាយថា៖ “គ្មាននរណាម្នាក់នៅលើលោកនេះជឿថាជប៉ុនអាចឈរលេខ១ក្នុងពូលនេះបានទេ។ គ្មានឡើយ។ តែយើងជឿជាក់លើខ្លួនឯង យើងជឿជាក់លើសមត្ថភាពអំឡុងការប្រកួត។ យើងបានបង្ហាញពិភពលោកថាជប៉ុនពិតជាអាចធ្វើបានពិតមែន”៕