Enrique ​៖ អេស្ប៉ាញ ​នឹង​ជួប​អាល្លឺម៉ង់​នៅ​វគ្គ​ផ្ដាច់ព្រ័ត្រ World Cup ​ឆ្នាំ​នេះ​

​លោក Luis Enrique ​គ្រូ​បង្វឹក​ក្រុម​អេស្ប៉ាញ​បាន​អះអាង​ថា​ក្រុម​របស់​លោក​នឹង​ប៉ះ​ក្រុម​អាល្លឺម៉ង់​ម្ដង​ទៀត​នៅ​វគ្គ​ផ្ដាច់ព្រ័ត្រ​ថ្ងៃ​ទី​១៨​ខែ​ធ្នូ​ឆ្នាំ​២០២២​ខាង​មុខ​ក្នុង​ព្រឹត្តិការណ៍ FIFA World Cup ​។

​នៅ​រាត្រី​នេះ ​ជា​ការ​ប្រកួត​បិទ​ពូល​របស់​ក្រុម​អេស្ប៉ាញ​ហើយ។ ​ដោយ​អេស្ប៉ាញ​នឹង​ប៉ះ​ក្រុម​អាស៊ី​ជប៉ុន ​ស្រប​ពេល​អាល្លឺម៉ង់​វិញ ប៉ះ​ជាមួយ​ក្រុម​កូស្ដារីកា។ ​ក្នុង​ពូល​នេះ​ដែរ ​នៅ​មិន​ទាន់​ប្រាកដ​ថា​នរណា​ឡើង ​នរណា​ធ្លាក់​នៅ​ឡើយ​ទេ ​ដោយ​រង់ចាំ​ការ​ប្រកួត​ទី​៣​នៅ​រាត្រី​នេះ​សិន។ ​ប្រសិន​បើ​អេស្ប៉ាញ​ឈ្នះ ​ហើយ​អាល្លឺម៉ង់​ឈ្នះ​ដែរ ​នោះ​ពួកគេ​អាច​នឹង​ដឹក​ដៃ​គ្នា​ឡើង​ទៅ​វគ្គ​១៦​ក្រុម​ចុង​ក្រោយ​ហើយ។

​មុន​ការ​ប្រកួត ​លោក Luis Enrique ​បាន​និយាយ​ដែរ​ថា​៖ “ខ្ញុំ​នឹង Hansi Flick ​បាន​សន្យា​គ្នា​ថា​នឹង​ជួប​គ្នា​ម្ដង​ទៀត​នៅ​ថ្ងៃ​១៨​ខាង​មុខ ​ដែល​ជា​ការ​ប្រកួត​ផ្ដាច់ព្រ័ត្រ World Cup 2022 ​។ ​យើង​នៅ​ពូល​ជាមួយ​គ្នា ​ដូច្នេះ​វា​អាច​ទៅ​រួច​ដែល​យើង​នឹង​ប៉ះ​គ្នា​ម្ដង​ទៀត​នៅ​វគ្គ​ផ្ដាច់ព្រ័ត្រ។ ​ខ្ញុំ​សង្ឃឹម​ថា​ការ​ព្យាករ​របស់​ខ្ញុំ​នឹង​ក្លាយ​ជា​ការ​ពិត​”៕

ភ្ជាប់ទំនាក់ទំនងជាមួយ CTS SPORT