ក្រុមជម្រើសជាតិអាហ្សង់ទីន និងក្រុមប៉ូឡូញ បានដឹកដៃគ្នាឡើងទៅវគ្គ១៦ក្រុមចុងក្រោយហើយ បន្ទាប់ពីបញ្ចប់ការប្រកួតក្នុងពូលនៅយប់មិញនេះ។
អាហ្សង់ទីន បានយកឈ្នះលើក្រុមប៉ូឡូញក្នុងលទ្ធផល ២-០ ដើម្បីទទួលបានកៅអីឡើងទៅវគ្គ១៦ក្រុមក្នុងនាមជាក្រុមលេខ១ក្នុងពូល។ យ៉ាងណាមិញ សម្រាប់ក្រុមប៉ូឡូញវិញ ពួកគេក៏ទទួលបានឱកាសឡើងទៅវគ្គ១៦ក្រុមចុងក្រោយផងដែរ បើទោះជាពួកគេលេងចាញ់អាហ្សង់ទីនក្ដី។ ប៉ូឡូញមាន៤ពិន្ទុក្នុងពូលស្មើជាមួយក្រុមមិចសិកូដែរ ប៉ុន្តែពួកគេមានគ្រាប់បាល់ចំណេញច្រើនជាង។ ដូច្នេះក៏ទទួលបានឱកាសលេខ២ក្នុងពូលដើម្បីឡើងទៅជុំបន្ដ។
ឡើងទៅវគ្គ១៦ក្រុមចុងក្រោយនោះ ក្រុមអាហ្សង់ទីន នឹងប៉ះជាមួយក្រុមអូស្ត្រាលី ស្របពេលក្រុមប៉ូឡូញវិញ នឹងប៉ះក្រុមការពារតំណែងជើងឯកបារាំង។ ការប្រកួតនឹងធ្វើឡើងនៅថ្ងៃទី៤ខែធ្នូឆ្នាំ២០២២ខាងមុខ៕