ក្រុមអូស្ត្រាលី បានឡើងទៅវគ្គ១៦ក្រុមចុងក្រោយនៃពានរង្វាន់ FIFA World Cup 2022 ហើយ ក្រោយពីយកឈ្នះលើក្រុមដាណឺម៉ាកក្នុងលទ្ធផល ១-០។
ក្រុមអូស្ត្រាលី បានបើកឆាកលេងចាញ់ក្រុមបារាំងនៅក្នុងពូលមែន ប៉ុន្តែប្រកួតទី២ ពួកគេធ្វើបានល្អណាស់ ដោយយកឈ្នះលើក្រុមទុយណេស៊ីបានក្នុងលទ្ធផល ១-០ ទៀត។ ខណៈដែលប្រកួតទី៣នៅយប់មិញ ក្រុមអូស្ត្រាលី បានបន្ដយកឈ្នះលើក្រុមដាណឺម៉ាកទៀតក្នុងលទ្ធផល ១-០ ដែលធ្វើឱ្យក្រុមអាស៊ីមួយនេះបានកក់កៅអីឡើងទៅវគ្គ១៦ក្រុមចុងក្រោយទៅហើយ។
នេះជាលើកទី២ហើយសម្រាប់ក្រុមអូស្ត្រាលីក្នុងការបានឡើងទៅវគ្គចាញ់ធ្លាក់ក្នុងការប្រកួត World Cup 2022 នេះ។ ខណៈដែលលើកមុននោះគឺនៅឆ្នាំ២០០៦កន្លងទៅ។ ដោយឡើងទៅវគ្គ១៦ក្រុមចុងក្រោយនេះ ក្រុមអូស្ត្រាលី នឹងប៉ះជាមួយក្រុមអាហ្សង់ទីន៕