ពាក្យថា ‘Hair of God’ បានចាប់ផ្តើមពេញនិយមនៅលើបណ្តាញសង្គម បន្ទាប់ពីគ្រាប់ប៉ះសក់របស់ Cristiano Ronaldo ត្រូវបានផ្តល់ឲ្យទៅ Bruno Fernandes។
អ្នកគាំទ្ររបស់ Ronaldo ជាច្រើន បានហៅគ្រាប់បាល់នោះថាជា ‘Hair of God’ ដែលបានប្រៀបធៀបគ្រាប់បាល់នោះទៅនឹងគ្រាប់បាល់របស់អតីតវីរបុរសអាហ្សង់ទីន Diego Maradona ដែលយកដៃវ៉ៃបាល់បញ្ចូលទី ‘Hand of God’។
ប្រព័ន្ធផ្សព្វផ្សាយសង្គមបានផ្ទុះកក្រើកយ៉ាងខ្លាំងជាមួយនឹងគ្រាប់បាល់របស់ Ronaldo។
ដំបូងអ្នកគាំទ្របាល់ទាត់ជុំវិញពិភពលោកមិនអាចសម្រេចចិត្តថាតើខ្សែប្រយុទ្ធរូបនេះគួរតែទទួលបានគ្រាប់បាល់នោះឬទេ នៅពេលដែលមិត្តរួមក្រុមព័រទុយហ្គាល់ Fernandes បានលើងបាល់កោងចូលមុខទី ហើយ Ronaldo ហក់តែតបញ្ចូលទីរំលងអ្នកចាំទីអ៊ុយរូហ្គាយ។
នៅទីបញ្ចប់ នៅពេលត្រួតពិនិត្យកាន់តែជិត មន្ត្រីអាជ្ញាកណ្តាលបានចាត់ទុកថាគាត់មិនបានប៉ះក្បាល Ronaldo ទាល់តែសោះ ដូច្នេះឈ្មោះរបស់ Fernandes បានធ្លាក់ចុះនៅលើតារាងពិន្ទុជាអ្នករកបានគ្រាប់បាល់នោះ។
តែអ្នកគាំទ្រនៅតែជឿជាក់ថា គ្រាប់បាល់នេះ សមតែផ្តល់ឲ្យទៅ Ronaldo ដោយសារវាបានប៉ះចុងសក់បន្តិច ដែលពួកគេហៅវាថាជា ‘Hair of God’ ៕
ប្រភព៖ Sportbible