លោក Sergio Costa គ្រួជំនួសរបស់ក្រុមជម្រើសជាតិកូរ៉េខាងត្បូង បានអះអាងថាលទ្ធផលចាញ់ហ្គាណាក្នុងលទ្ធផល ៣-២ គឺពិតជាមិនស្មើភាពនោះទេក្នុងការប្រកួត World Cup នៅយប់មិញនេះ។
ក្នុងតង់ទី១ ក្រុមកូរ៉េបានរបូត២គ្រាប់ទៅហើយ ប៉ុន្តែឈានចូលដល់តង់ទី២វិញ Cho Gue-sung ក៏អាចរកបាន២គ្រាប់តាមស្មើវិញបានឱ្យក្រុមកូរ៉េខាងត្បូង។ យ៉ាងណាមិញ ហ្គាណា ក៏អាចថែមបាន១គ្រាប់ទៀត ដើម្បីយកឈ្នះលើក្រុមអាស៊ីនេះបានក្នុងលទ្ធផល ៣-២ ផងដែរ។ ជាមួយបរាជ័យនេះ បានធ្វើឱ្យកូរ៉េខាងត្បូងស្ទើរតែអស់ឱកាសក្នុងការឡើងទៅជុំបន្ដទៅហើយ ព្រោះប្រកួតចុងក្រោយប៉ះព័រទុយហ្គាល់ដែលជាក្រុមខ្លាំងជាងគេក្នុងពូល។
ក្រោយចប់ការប្រកួត លោក Sergio Costa គ្រូជំនួសរបស់កូរ៉េខាងត្បូងជាអ្នកចូលធ្វើសន្នីសីទ ខណៈដែលលោក Paulo Bento គ្រូបង្វឹកទទួលបានកាតក្រហមនៅចុងម៉ោង ព្រោះតវ៉ាច្រើនជាមួយអាជ្ញាកណ្ដាល។ ក្នុងសន្នីសីទលោក Costa បានបង្ហាញអារម្មណ៏ថា៖ “យើងធ្វើមិនសូវបានល្អនៅតង់ទី១ ប៉ុន្តែនៅតង់ទី២យើងបានគ្រប់គ្រងការប្រកួត និងបង្កើតឱកាសជាច្រើនដើម្បីរកគ្រាប់បាល់។ លទ្ធផលនេះគឺមិនស្មើភាពសោះ សូម្បីតែស្មើគ្នាក៏មិនសមដែរ។ យើងច្បាស់ណាស់សក្ដិសមជាក្រុមឈ្នះការប្រកួតមួយនេះ”៕