ថ្នាក់ដឹកនាំក្លឹប Juventus បាននាំគ្នាលាលែងតំណែងអស់ទៅហើយកាលពីថ្ងៃចន្ទកន្លងទៅនេះ បន្ទាប់ពីការិយាល័យរដ្ឋអាជ្ញាសាធារណៈក្នុងក្រុង Turin ចាប់ស៊ើបអង្កេតទៅលើក្លឹបនេះ។
កាលពីឆ្នាំមុន Juventus បានរាយការណ៍ពីការខូចខាតរបស់ពួកគេរហូតដល់២២០លានផោនឯណោះ។ ដោយរបាយការណ៍នោះទៀតសោតក៏មិនបានបញ្ជាក់ច្បាស់ថាទៅលើផ្នែកណានោះដែរ។ ក្រោយពីនោះមក អ្នកចាត់ការថ្នាក់លើរបស់ក្លឹបក៏បានប្រជុំគ្នា និងចង់ឱ្យមានការផ្លាស់ប្ដូរកើតឡើងតែម្ដង។ រហូតមកដល់ពេលនេះ ថ្នាក់ដឹកនាំជាន់ខ្ពស់ទាំងអស់ក្នុងក្លឹបនេះបានប្រកាសពីការលាលែងតំណែងគ្រប់គ្នាតែម្ដង។ ដោយនេះជាដំណឹងគួរឱ្យភ្ញាក់ផ្អើលខ្លាំងមែនទែន។
យ៉ាងណាមិញ ប្រភពនៅអង់គ្លេសបានបញ្ជាក់បន្ថែមថាកត្ដាមួយទៀតនោះគឺខាងក្លឹប Juventus កំពុងស្ថិតក្រោមការសើបអង្កេតពីការិយាល័យរដ្ឋអាជ្ញាសាធារណៈនៅទីក្រុង Turin ផ្ទាល់តែម្ដង។ បទចោទប្រកាន់មកលើក្លឹបសេះបង្កង់នេះគឺបង្កើតគណនេយ្យក្លែងក្លាយ និងការកេងប្រវ័ញ្ចទីផ្សារផងដែរ៕