អ្នកគាំទ្របាល់ទាត់សញ្ជាតិវែលស៍ម្នាក់បានទទួលមរណភាពអំឡុងពេលគាំទ្រជម្រើសជាតិខ្លួននៅកាតាក្នុងព្រឹត្តិការណ៍ World Cup ឆ្នាំ ២០២២។
សមាគមបាល់ទាត់នៃប្រទេសវែលស៍ (FAW) បានបញ្ជាក់ថា Kevin Davies បានទទួលមរណភាពហើយ បន្ទាប់ពីគាត់បានធ្វើដំណើរទៅប្រទេសកាតាសម្រាប់ការប្រកួត FIFA World Cup ជាមួយកូនប្រុសរបស់គាត់ ហើយក្រុមគ្រួសាររបស់គាត់ដែលនៅសេសល់ក៏ត្រូវបានគេជូនដំណឹង។
ក្រុមអ្នកគាំទ្រវេលស៍បានចេញសេចក្តីថ្លែងការណ៍មួយដែលនិយាយថា៖
“ជាអកុស ល យើងបានបាត់បង់អ្នកគាំទ្រយើងម្នាក់កាលពីម្សិលមិញក្នុងប្រទេសកាតា សូមចូលរួមរំលែកទុក្ខដ៏ស្មោះស្ម័គ្ររបស់យើងទៅកាន់កូនប្រុសរបស់គាត់នៅទីនេះ នៅទីក្រុងដូហា និងក្រុមគ្រួសាររបស់គាត់នៅប្រទេស វែលស៍។ សូមវិញ្ញាណក្ខន្ធគាត់ទៅកាន់សុគតិភព” ។
សមាគមន៍បាល់ទាត់ប្រទេសវែលស៍ក៏បានចេញសេចក្តីថ្លែងការណ៍រំលែកទុក្ខដល់អ្នកគាំទ្រដែលបានស្លាប់នោះផងដែរ។
បុរសវ៏យ ៦២ឆ្នាំមកពី Pembrokeshire ស្ថិតនៅក្នុងទីក្រុង Doha ជាមួយកូនប្រុសរបស់គាត់ និងមិត្តភក្តិមួយចំនួននៅពេលគាត់ស្លាប់ ដែលត្រូវបានគេជឿថាមកពីសុខភាពផ្ទាល់ខ្លួន។
យោងតាមរបាយការណ៍លោក Davies បានទទួលមរណភាពកាលពីថ្ងៃសុក្រនៅមន្ទីរពេទ្យ ហើយមិនមានវត្តមាននៅក្នុងកីឡដ្ឋានសម្រាប់ការចាញ់ក្រុមរបស់លោកក្នុងលទ្ធផល ២-០ ទល់នឹងអ៊ីរ៉ង់ក្នុងការប្រកួតទីពីរក្នុងពូល B របស់ពួកគេនោះទេ៕
ប្រភព៖ Sportbible